(Manchester) 17 Okt 2019. Macalinkii hore kooxda Juventus ee reer Talyaani Massimiliano Allegri ayaa ka jawaab celiyay wararka lala xiriirinayo shaqada tababarka ee kooxda Manchester United.

Tababarahan reer Talyaani ee Massimiliano Allegri ayaa cadeeyay inuusan wali diyaar u aheyn inuu macalin ka noqdo horyaalka Premier League ee dalka England.

52 jirkan ayaa lala xiriirinayaa xilliyadii lasoo dhaafay inuu qabanayo shaqada tababarka ee Manchester United, maadaama macalinka reer Norwegian ee Ole Gunnar Solskjær uu kooxda ku hogaamiyay natiijooyin aad u xun kulamadii ay ilaa iyo haatan ka ciyaareen xilli ciyaareedkan.

Red Devils ayaa waxay ku nooshahay xilligeedii ugu xumaa marka loo fiiriyo natiijo ahaan iyo qaab ciyaareed ahaanba, iyagoo haatan dhanka miiska kala sareynta horyaalka Premier League kaga jira kaalinta 12-aad, waxayna ka heleen kulamadii ay ka soo ciyaareen 9 dhibcood oo kaliya, waxayna 2 dhibcood oo kaliya u jiraan kooxda Everton oo fadhida boosaska loogu laabto horyaalka First Division.

Haddaba macalinka reer Talyaani ee Massimiliano Allegri ayaa biyo qabooban ku shubay wararka dhawaanahan la xiriirinayay inuu qabanayo shaqada tababarka ee kooxda Manchester United isaga oo sheegay:

“Ma awoodo in ilaa iyo haatan aan ugu hado luqada Ingiriiska sida la rabay, laakiin wali waan baranayaa”.

Massimiliano Allegri ayaa wuxuu sidoo kale ka hadlay falsafadiisa tababarenimo wuxuuna yiri:

“Waxaa jira labo qaab oo lagu noqon karo tababare wanaagsan,  inaad tahay qof wax qora, ama shaqsi madax-bannaan, anniga ahaan waxaan door bidayaa qodobka dambe, sidaas darteed waxaan maqlaa wax ka badan inta aan ku hadlo”.

Gool FM.

LEAVE A REPLY

Please enter your comment!
Please enter your name here