Tababaraha Manchester United Erik ten Hag ayaa laga yaabaa in uu ganaax kala kulmo UEFA ka dib markii uu soo daahay shirkiisa jaraa’id ee Champions League Salaasadii.
Newcastle ayaa sidoo kale jabisay isla sharciga habeenkii Isniinta ka dib markii duulimaadkoodii Talyaaniga uu dib u dhacay habeenkii Isniinta.
Man United ayaa Arbacadii la ciyaartay Bayern Munich iyaga oo bilowday xilli ciyaareedkooda champions League laakiin waxa ay ku fashilmeen in ay aadaan wakhtigii loogu tala galay waxana ay jabiyeen sharci u yaala UEFA.
Ten Hag ayaa la qorsheeyay in uu warbaahinta kula hadlo magaalada Munich 7.45pm wakhtiga maxaliga ah laakiin waxa uu soo daahay 25 daqiiqo, mana soo muuqan ilaa ku dhawaad 8.12pm.
Sharciga UEFA ayaa dhigaya in kooxuhu ay qabtaan shirkooda jaraa’id ee ka horeeya ciyaarta inta u dhaxaysa 12pm ilaa 8pm wakhtiga maxaliga ah maalin ka hor inta aan ciyaarta la ciyaarin. Sidaa darteed, imaanshiyaha Ten Hag wuxuu ahaa 12 daqiiqo ka badan waqtigii kama dambaysta ahaa.
Related