Halyeeyga Liverpool iyo Manchester City James Milner ayaa haatan guulo ka badan ka gaaray kooxda Man United marka loo eego ciyaartoy kasta oo soo maray taariikhda Premier League.
Milner ayaa ka soo kacay kursiga keydka si uu u ciyaaro 13-kii daqiiqo ee ugu dambeeyay kulankii ay Brighton 3-1 uga badisay United sabtidii garoonka Old Trafford.
37-sano jirkaan ayaa noqday xiddiga haatan guusha ugu badan ka gaadhay kooxda Man United isaga oo dhaafay halyeeygii Liverpool Steven Gerrard iyo weeraryahankii hore ee Arsenal, Chelsea, Liverpool iyo City Nicolas Anelka.
Sida laga soo xigtay Opta, ciyaaryahanka khadka dhexe ka ciyaara ayaa Man United ka gaadhay 6 guul isaga oo u kala ciyaaraya kooxaha Aston Villa, City, Liverpool iyo hadda Brighton.
Wadar ahaan, Milner ka hor tagay 35 kulan horyaalka premier League waxa uu ka gaadhay 11 gool, halka uu kala kulmay 10 bar-baro iyo 14 guuldarro ah – waxa uu dhaliyey saddex gool.
Related