Manchester United ayaa beri oo sabti ah la kulmi doonta dhigeeda Brighton kulan ka tirsan horyaalka Premier League.
Shirkii jaraa’id ee ciyaarta Tababaraha Man United ee Erik Ten Hag diiday inuu wax faallo ah ka bixiyo xaaladda Jadon Sancho.
Sancho ayaa laga saaray kooxda Manchester United ee wajaheysa Arsenal labo isbuuc ka hor, iyadoo Ten Hag uu sheegay in ka saarista ciyaaryahanka ay sabab u tahay in uunan tababarka u qaadan si fiican.
Sancho ayaa markaas ku weeraray Ten Hag faallooyinkaas baraha bulshada ka hor inta uusan garabka da’da yar tirtirin dhammaan faallooyinkaas.
Ten Hag ayaa tilmaamay in kooxdu ay mar horeba ka weyn tahay wax kasta.
“Waxaan u maleynayaa in wax walba lagu sheegay kiiskan, sidaas darteed kooxdu waa mid xoogan, niyad wanaagsan iyo niyad fiican ka hor ciyaarta,” ayuu yiri Ten Hag.
Ten Hag ayaa hadalkiisa ku daray: “Sida adag ayaa ah waxa ay kooxdu iga codsatay sababtoo ah ma jirin dhaqan wanaagsan ka hor xilli ciyaareedkii hore.”
Ten Hag ayaa soo gabagabeeyey: “Marka waa muhiim in la dejiyo xaalada tani waa waxa aan sameeyay, waana shaqadeyda”ayuu sii raaciyay.
Related