Erik Ten Hag, tababaraha Manchester United, ayaa Harry Maguire ka difaacay dhaleecaynta xad dhaafka ah ee uu ciyaartoygu la kulmayay dhawaan.
Taageerayaasha England ayaa ku ooriyay Maguire intii ay socotay ciyaartii saaxiibtinimo ee saddexda libaax ay la yeesheen Scotland Salaasadii hore.
Orinta taageerayaasha ee Maguire ayaa yimid kadib markii uu xiddigu si lama filaan ah gool si khaldan isaga dhaliyay xilli uu xulkiisu ku badisay 3/1.
Ten Hag ayaa ku yiri “Marar badan ayaan idhi, tani waa xushmad darro, mana u qalmo, waa ciyaaryahan weyn, wuxuuna soo bandhigaa qaab ciyaareed heer sare ah”.
Ten Hag ayaa intaa ku daray: “Wanaagsan, sida aad u aragto xirfadiisa, waxaa jira waxyaabo badan oo soo socda, waa in uu soo bandhigo qaab ciyaareed fiican”.
Maguire ayaa Manchester United uga soo biiray Leicester City 2019-kii iyada oo kooxdu ka soo bixisay lacag dhan 80 milyan oo euro, wax yar kadib markii uu tababarihii hore ee Red Devils ee Ole Gunnar Solskjaer u magacaabay kabtanka kooxda.
Related