Daafaca kooxda Manchester City ee Nathan Ake ayaa hoos u dhigay cabsida Laga qabo dhaawaca soo gaadhay intii uu ku jiray waajibaadka xulka qarankiisa Netherlands.
28-sano jirkaan ayaa loo gacan galiyay kulankiisii 38-aad ee Oranje ciyaartii ay khamiistii hore 3-0 kaga badisay Greece ciyaar ka tirsaneed isreeb reebka Euro 2024.
Si kastaba ha ahaatee, Ake ayaa lagu qasbay inuu ka baxo waqtigii nasashada isagoo dhaawac yar ka soo gaaray muruqa, iyadoo maamulaha kooxda Ronald Koeman uu shaaca ka qaaday ciyaarta ka dib in “uusan dooneynin inuu wax khatar ah la galo isaga”.
Ake ayaa ku dhibaatooday dhaawacyo wakhtigiisii Man City waxaana uu la kulmay dhibaatooyin badan oo la xiriira muruqa intii lagu jiray qeybtii labaad ee xilli ciyaareedkii hore.
Daafaca ayaa sidoo kale dhaawac muruqa ah ka soo gaaray intii lagu jiray safarkii isku diyaarinta xilli ciyaareedka cusub ee Man City ee Asia horaantii xagaagan, waxaana seegay kulankii Community Shield.
Related