Bixitaankii Mason Greenwood ee Manchester United ayaa shaki galiyay heshiiska Sofyan Amrabat ee kooxda Old Trafford.
Isniintii, United ayaa ku dhawaaqday in Greenwood uu ka tagayo kooxda ka dib baaritaan gudaha ah oo lagu sameeyay eedeymaha isku dayga kufsiga.
21-sano jirkaan ayaa laga ganaaxay tababarka iyo ciyaaraha United iyadoo kooxdu ay soo gabagabeysay baaritaan gudaha ah ka dib markii Adeegga Xeer Ilaalinta ay joojisay kiiskii ka dhanka ahaa Greenwood bishii February.
Sida laga soo xigtay The Sun, bixitaanka Greenwood ayaa keentay in United ay badasho qorshaheeda suuqa kala iibsiga, iyadoo kooxdu ay haatan mudnaanta siiso weeraryahan.
United ayaa si xoogan loola xiriirinayay u dhaqaaqista Amrabat tan iyo koobkii adduunka ee sanadkii hore, iyadoo ciyaaryahanka khadka dhexe uu udub dhexaad u ahaa Morocco oo gaadhay Semi-final-ka.
Kooxda Serie A ka dhisan ee Fiorentina ayaa doonaysa in ay xiddiga 27 jirka ah ku iibiso 34 milyan oo euro iyada oo xiddigu haatan heshiiska shaqsiga ah la gaadhay kooxda Man United.
Related