Halyeeyga Premier League Alan Shearer ayaa iftiimiyay seddex arrimood oo Declan Rice uu ku soo kordhin doono Arsenal xilli ciyaareedka soo socda ka dib markii uu barbar dhigay xiddiga Chelsea Enzo Fernandez.
Rice ayaa Arsenal ku soo biiray bil ka hor isaga oo noqday saxiixa ugu qaalisan ee xiddig premier League dhexdiisa laga iibsado kadib markii uu 105 milyan ugu biiray Gunners.
Rice ayaa la kulmay dhaleecayn xoogan kadib markii uu soo bandhigay qaab ciyaareed aan fiicnayn kulamadii uu ilaa haatan u ciyaaray kooxda Arsenal.
Inkasta oo ay dadku Arsenal ku eedaynayaan in ay ka bixisay lacag uuna u qalmin laakiin Shearer ayaa sheegay in uu Rice guulo ku gaadhi doono Arsenal.
Isagoo ka hadlayay The Rest is Football podcast, halyeeyga Newcastle ayaa sharaxay: “Saxiix aad u wanaagsan, lacag badan, markii Chelsea ay bixisay wixii ay ku soo iibsatay Enzo Fernandez markaas taasi waxay mar walba noqon doontaa lacagtii uu ku baxay 100 milyan, Lacag badan, laakiin waxaan u maleynayaa inuu yahay ciyaaryahan aan caadi aheyn”.
Related