Xiddiga khadka dhexe ee kooxda West Ham ee Declan Rice ayaa ka hadlay mustaqbalkiisa West Ham ka dib markii uu ka caawiyay Hammers inay ku guulaystaan Europe Conference League.
Rice ayaa maray wadadii Halyeeyada West Ham ee Bobby Moore & Billy Bonds kadib markii uu kooxda ku hogaamiyay koobkii 2-aad ee yurub ah kadib sanadkii 1965.
Kulankaas ayaa laga yaabaa in uu yahay kulankiisii ugu dambeeyay ee uu u ciyaaro West Ham maadama lala xidhiidhinayo kooxo ay ka mid yihin Arsenal, Chelsea, Manchester United, Bayern Munich & Manchester City.
“Fiiri, waqti xaadirkan sida iska cad waxaa jira warar badan oo ku saabsan mustaqbalkayga,” kabtanka Hammers ayaa u sheegay BT Sport.
“Sida iska cad waxaa jira xiisaha kooxaha kale, taas ayaa jirta”.
“Laakiin ugu dambeyntii wali labo sano ayaa iiga hartay West Ham, waana jeclahay kooxdaan, waan jeclahay u ciyaarida kooxdaan”.
“Wali ma jiraan wax, sidaas darteed diiradaydu waa u ciyaarista West Ham, ku raaxaysiga caawa, oo aan arko waxa dhaca”.
“Waxaan ahay kabtanka kooxdan, gabi ahaanba waan jeclahay, gabi ahaanba kama hadli karo Jacaylka aan u qabo, aynu aragno waxa dhaca”.
Related