Tababaraha Kooxda Real Madrid ee Carlo Ancelotti ayaa xaqiijiyay in ay kooxdiisu haatanba samaysay saxiixii ugu horeeyay ee suuqa kala iibsiga xagaaga.
“Fran García waxa uu nagu soo biiri doonaa xilli ciyaareedka dambe”Carlo Ancelotti ayaa yiri intii lagu jiray shirkiisa jaraa’id ee ka dib ciyaartii Rayo Vallecano.
“Waa saxiixii ugu horeeyay ee Real Madrid xagaaga” ayuu xaqiijiyay Tababaraha Real.
Xiddiga Garcia ayaa xirfadiisa ciyaareed ka soo bilaabay kooxda Real Madrid ka hor inta aan laga iibin Rayo sanadkii 2021.
Si kasta ha ahaatee Real Madrid ayaa heshiiskiisa ku dartay shardi u ogolaanaya in ay dib ula wareegto waxana ay ka bixinaysaa 5 milyan oo euro.
23-sano jirkaan ayaa xallin doona dhibaatada Real Madrid ee daafaca bidix ka dib xilli ciyaareed cajiib ah oo uu ku qaatay Rayo sanadkan.
Xiddiga Garcia ayaa ah xiddiga ciyaaray daqiiqadaha ugu badan La Liga marka laga yimaado goolhayayaasha waxana uu dhaliyay 2 gool halka uu caawiyay 3 kale.
Related